TIC & Educación

Levaba 3 exames feitos das probas de acceso á selectividade e xa perdera a curiosidade e o nerviosismo. Estaba enfrascada na proba de debuxo cando comprobei que o punto de fuga se saía uns 25 cm da folla. Erguín a cabeza, máis enfadada que sorprendida, e axiña vin que Martín facía o mesmo e con idéntica expresión. E Cristina. E Carlos. Todos os de Burela! Cabarcos xa nolo advertira nunha desas longas diatribas que soltaba contra o selectivo: sempre fan igual, veredes que algo falla na cónica e tedes que perder tempo, por se non fose perda abonda a proba.