tecno4

Un dos proxectos en que traballan estes alumnos de segundo de bacherelato e que ensaian cos robots é un sistema para que un coche lle poida indicar cunha luz a outro que se aproxima por detrás que non está respectando a distancia de seguridade. O outro proxecto, que mereceu o recoñecemento das autoridades educativas, é o que chaman "Xa pasou o bus?".
Trátase dun sistema de aviso para saber cando pasa un vehículo de transporte público por un lugar determinado e cando pasará o seguinte. Todo parte dos kits de robótica que a Consellería de Educación entregou nos centros de Secundaria. O que ocorre neste caso é que estes estudantes souberon ir máis alá e buscarlles aplicacións fóra das aulas. Os alumnos son conscientes da importancia que cada día cobra este ámbito e de como van revolucionar o mundo tal e como o coñecemenos.