Glossarissimo!

"REACH tfisser ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi. Bis-sistema unika għar-reġistrazzjoni, il-valutazzjoni u l-awtorizzazzjoni tas-sustanzi kimiċi, l-informazzjoni dwar ir-riskji maħluqa minn sustanzi u kif għandhom jiġu mmaniġġjati għandha tiġi pprovduta tul il-katina tal-produzzjoni kollha.
REACH jirrikjedi wkoll li kumpaniji jew individwi li jużaw sustanza kimika, jew waħedha jew f’taħlita, matul l-attivitajiet industrijali jew professjonali tagħhom, jgħaddu informazzjoni lill-produtturi tas-sustanzi kimiċi jew lill-Aġenzija Ewropea għas-Sustanzi Kimiċi ECHA . Dawn il-kumpaniji jissejħu utenti downstream. Utenti downstream għandhom rwol ewlieni fl-avvanz tal-użu sigur tas-sustanzi kimiċi billi jiġi implimentat l-użu sigur fuq il-post tagħhom stess u fil-komunikazzjoni ta’ informazzjoni rilevanti kemm lill-fornituri kif ukoll lill-klijenti tagħhom."

CLP - Klassifikazzjoni, Tikkettar u Imballaġġ ta' sustanzi kimiċi u taħlitietIr-Regolament (KE) Nru 1272/2008 (il-klassifikazzjoni, l-ittikkettar u l-imballaġġ) jallinja l-leġiżlazzjoni preċedenti tal-UE mal-GHS (Sistema Globalment Armonizzata tal-Klassifikazzjoni u l-Ittikkettar ta' Sustanzi Kimiċi), sistema tan-Nazzjonijiet Uniti li tidentifika sustanzi kimiċi perikolużi u li tgħarraf lill-utenti dwar dawn il-perikli. Għandu wkoll rabtiet mal-leġiżlazzjoni REACH

• Regolament (KE) Nru 1272/2008 
• Leġiżlazzjoni REACH

"Abbażi tal-Artikolu 153 tat-Trattat dwar il-Funzjonament tal-Unjoni Ewropea (eks Artikolu 137 TKE) ġew adottati firxa wiesgħa ta’ miżuri Komunitarji fil-qasam tas-saħħa u s-sikurezza fuq il-post tax-xogħol. Id-Direttivi Ewropej huma vinkolanti legalment u jridu jiġu trasposti f’liġijiet nazzjonali mill-Istati Membri."